Әлеуметтік желілерде балабақшада жүргізіліп жатқан санитарлық өңдеуге қатысты жалған ақпарат тарауда

Әлеуметтік желілерде балабақшада жүргізіліп жатқан санитарлық өңдеуге қатысты жалған ақпарат тарауда krsk.sibnovosti.ru

Әлеуметтік желілер мен мессенджерлерде қазақстандықтар балабақшада жүргізіліп жатқан санитарлық өңдеу барысы көрсетілген бейнежазбамен бөлісуде. Кадрлардан оның қай балабақшада, қалада немесе елде түсірілгенін анықтау мүмкін емес. Бірақ қазақстандық білім беру мекемелерінде денсаулыққа қауіпті заттар шашпайды, деп хабарлайды Аlmaty-akshamy.kz stopfake.kz сілтеме жасап.


Еліміздің балабақшалары мен мектептерінде жүргізілетін санитарлық өңдеу балалар үшін зиянсыз, деп хабарлады ҚР ДСМ санитарлық-эпидемиологиялық бақылау комитетінен.



– Барлық балабақшалар мен мектептер мемлекеттік бақылаудан өткен және Қазақстан Республикасының аумағында қолдануға рұқсат етілген сертификатталған препараттармен ғана дезинфекцияланады. Олардың барлығы бекітілген нұсқаулыққа сәйкес қолданылады. Бұл заттар қауіпсіз, – деп мәлімдеді ведомствоның ресми өкілі Ержан Байтанаев.



Желі қолданушылары қоғамдық орындарда улы заттар шашу туралы қауесеттерді бұған дейін де таратқан. Біз ондай хабарламаларды жоққа шығардық.


Сіздің реакцияңыз?
Ұнайды
0
Ұнамау
0
Күлкілі
0
Шектен шыққан
0
Пікіріңізге рахмет