Әзірбайжан Арменияға әскери тұтқындарды қайтарды
Экстрадицияланған адамдар 2021 жылдың 16 қарашасында ұсталған
Әзірбайжан Еуроодақтың делдалдығымен армян текті 10 әскери қызметкерді босатты, деп хабарлайды Almaty-akshamy.kz Egemen.kz-ке сілтеме жасап.
Бұл қадам Еуропалық кеңес төрағасы Чарльз Мишельдің бастамасымен 14 желтоқсанда Брюссельде өткен Әзірбайжан президенті Ильхам Әлиев пен Армения премьер-министрі Никол Пашинянның үшжақты кездесуінің қорытындысы бойынша жасалды.
Бұл туралы Әзірбайжанның әскери тұтқындар, хабар-ошарсыз кеткен және кепілге алынған азаматтармен жұмыс жөніндегі мемлекеттік комиссиясы хабарлады.
Айта кетейік, экстрадицияланған адамдар 2021 жылдың 16 қарашасында ұсталған.
