Әлемде коронавирус жұқтырған адам 258 миллионнан асты
COVID-19 инфекциясынан кейін әлемде вирус тарала бастағаннан бері 5 159 194 адам қайтыс болды.
Американдық Джонс Хопкинс университетінің мәліметтері бойынша сейсенбі күні таңертең әлемде COVID-19 коронавирус инфекциясының тіркелген жағдайларының саны 258 268 755-ке жетті, деп хабарлайды Almaty-akshamy.kz INTERFAX.RU сайтына сілтеме жасап.
COVID-19 инфекциясына шалдыққандар саны 20 миллионнан астам елдерге АҚШ, Үндістан және Бразилия кіреді.
Вирус жұқтырған және қайтыс болған адамдар саны бойынша АҚШ алдыңғы орында тұр, онда COVID-19 жұқтырған 47 888 123 адам анықталды. Қайтыс болғандар саны – 772 343.
Ауру жұқтырғандар саны бойынша екінші орында Үндістан тұр, онда COVID-19 расталған жағдайлардың саны 34 518 901-ге жетті. Елде вирусты жұқтырудың салдарынан қайтыс болғандар саны 465 911 адамға өсті.
Әлемде коронавирустың таралуы бойынша үшінші орында Бразилия тұр, онда пандемия кезінде 22 020 412 жағдай тіркелді, оның ішінде 612 782 адам қайтыс болды.
Әлемдегі ең маңызды оқиғалардың статистикасына маманданған Worldometer порталының мәліметі бойынша, сейсенбі күні таңертеңгі жағдай бойынша әлем халқының 1 миллионына шаққандағы өлім көрсеткіші 663,9 болды. АҚШ-та 1 миллион тұрғынға шаққанда 2 382 адам, Үндістанда - 333, Бразилияда - 2 855 адам қайтыс болды.
