Әлемде азық-түліктің 40%-ы рәсуа болуда
Азық-түлікті ысырап етпейік!
Жыл сайын әлемде өндірілетін азық-түліктің шамамен 40%-ы асқа пайдаланылмай қоқысқа тасталады. Бұл туралы Дүниежүзілік жабайы табиғат қорының өкілдері айтты, деп хабарлайды Almaty-akshamy.kz.
Айтуларынша, бұл қоршаған ортаға зиян келтіреді. Өйткені, тамақ қалдықтарының парниктік газдардағы үлесі 10%-ға жуықтайды.
Бұл Еуроодақ пен АҚШ-та көліктен бөлінетін зиянды заттардың мөлшерінен екі есе көп. Осы ретте мамандар тұрғындарды азық-түлік таңдау мәселесінде жауапкершілік танытуға шақырып отыр.
