Үстіміздегі жылы салық 31%-ға көп түскен

2021 жылдың қаңтар-қыркүйек айларында мемлекеттік бюджетке салықтық түсім бойынша жоспар 103,8%-ға орындалды

Бұл өткен жылдың ұқсас кезеңімен салыстырғанда 30,8%-ға немесе 1 775,7 млрд теңгеге өсті, деп хабарлайды Almaty-akshamy.kz ҚазАқпарат сайтына сілтеме жасап.

2020 жылдың ұқсас кезеңімен салыстырғанда, республикалық бюджетке ең көп түсімдердің өсуі мұнайға салынатын экспорттық кеден баждарынан 352,5 млрд теңгеге немесе 1,9 есе, корпоративті табыс салығы 390,8 млрд теңгеге немесе 44,9%-ға, ЕАЭО елдерінен импортқа қосылған құн салығы 171,5 млрд. теңгеге немесе 36,6%-ға, үшінші елдерден импортқа қосылған құн салығы 105,2 млрд. теңгеге немесе 22,7%-ға және пайдалы қазбалардың өндірісіне салынатын салығы 103,7 млрд теңгеге немесе 46,8%-ға өскені байқалады.

Түсімдердің өсуіне мынадай факторлар әсер етті. «Өткен жылдың ұқсас кезеңімен салыстырғанда, ағымды жылдың 9 айында негізгі экспорттық позицияларға бағаның өсуі байқалады, оның ішінде мұнайға 64,5%-ға, мысқа 57,3%-ға, алюминийге 44,2%-ға, мырышқа 34,0%-ға, күміске 33,8%-ға, қорғасынға 19,7%-ға және алтынға 3,8%-ға. $ бағамы 1 теңгеге 3,9%-ға өсті.

Мұнайға салынатын әкету кедендік баждары 24,3%-ға өсті. Үшінші елдермен тауар айналымы 2021 жылдың қаңтар-қыркүйек айларында 8,2%-ға өсті. 2021 жылдың 9 айында, өткен жылдың ұқсас кезеңімен салыстырғанда, тауар айналымы 28,7%-ға өсті.

Қосылған құн салығы түсімінің 40% құрайтын ірі салық төлеушілердің тауар айналымы 18,4%-ға өсті. Көрсетілген кезеңге бір салық төлеушіге онлайн бақылау-касса машинасынан орташа түсімі 11,8%-ға өсті.