Үндістанда балаларға коронавирусқа қарсы вакцина екі жастан бастап егіледі
Үндістан балаларды вакциналау үшін Bharat Biotech препаратын мақұлдады
Үндістан билігі Bharat Biotech компаниясының Covaxin препаратын шұғыл түрде қолданысқа енгізуге рұқсат етті, деп хабарлайды Almaty-akshamy.kz
ТАСС агенттігінің ақпаратына сәйкес, бұл вакцина 2-ден 18 жасқа дейінгі балаларға егіледі. Бұл туралы India Today газеті хабарлаған.
«Егжей-тегжейлі талқылаудан кейін профильді (бейіндік) комитет екіден 18 жасқа дейінгі жас аралығындағы азаматтар тобының вакцинациялануы үшін препаратты қолдануға шұғыл түрде рұқсат етті», - деп келтірді басылым Үндістанның бейінді комитетінің мәлімдемесінен.
Бірінші және екінші вакцинация арасындағы аралық 20 күнді құрайды деп атап өтілді.
Үндістанның Денсаулық сақтау және отбасылық әл-ауқат министрілігінің мәліметтері бойынша, Пандемия кезінде бұл елде коронавирус жұқтырудың 33,9 млн жағдайы тіркелген, 450 мыңнан астам адам бұл індеттен көз жұмса, 33 млн астам науқас емделіп шыққан. Үндістан халқы - 1,3 млрд адамды құрайды.