Қаскелеңде 25 жастағы жігіт көліктен оқ атты
Полиция күдіктіні ұстады
Алматы облысы Қаскелең қаласында 25 жастағы жігіт көліктен оқ атты, деп хабарлайды Almaty-akshamy.kz «Хабар 24» телеарнасына сілтеме жасап.
Телеарна мәліметінше, оқиға Абылайхан көшесінде болған. Көшедегі жұрт шошығанымен, ешкім зардап шекпеген.
Полиция күдіктіні ұстады. Ол Қарасай ауданының 25 жастағы тұрғыны болып шықты.
Ол өз ісін үйлену тойы кезінде қуаныш үстінде жасағанын айтып ақталған. Оқ көліктен атылған. Ол көлік айып тұрағына қойылды.
Осы оқиғаға байланысты қылмыстық іс қозғалған.
