Қасым-Жомарт Тоқаев Эмомали Рахмонмен кездесті

Қасым-Жомарт Тоқаев Эмомали Рахмонмен кездесті
Сурет: ҚР ИИДМ телеграм каналы

Бұдан бұрын Мемлекет басшысының Тәжікстанға жұмыс сапарымен барғанын хабарлағанбыз.  

ҚР Президентінің сапары осы елдің басшысы Эмомали Рахмонмен кездесуден басталды, деп хабарлайды Almaty-akshamy.kz ҚР ИИДМ телеграм каналына сілтеме жасап.

Кездесу барысында Қасым-Жомарт Тоқаев Эмомали Рахмонға қонақжайлылығы үшін ризашылығын білдірді.

Президент Душанбе қаласында өтетін ҰҚШҰ Ұжымдық қауіпсіздік кеңесінің сессиясы мен Шанхай ынтымақтастық ұйымына мүше мемлекеттер басшылары кеңесінің отырысында өзекті жаһандық мәселелерді талқылау аса маңызды екенін айтты.

«Қонақжай тәжік елінің, Душанбе қаласының алдағы самиттерге дайындығы өте жоғары деңгейде екен. Біздің тарап министрлер деңгейінде қажетті құжаттарды пысықтады. Қол қойылатын құжаттарды отырыс барысында жан-жақты талқылаймыз деп ойлаймын», — деді Қазақстан Президенті.

Тараптар екіжақты форматта да, көпжақты құрылымдар аясында да бірлескен іс-қимылдарды үйлестіруге дайын екенін атап өтті.