Қанаттың жекпе-жегіне аз күн қалды
Бұйырса, 22 күннен соң кездесу сәтіне куә боламыз.
Орта салмақта өнер көрсететін қазақ боксшысы Қанат Ислам (28-0, 22 КО) шаршы алаңға 21 қаңтарда шығады, деп хабарлайды Almaty-akshamy.kz Рrosports.kz-ке сілтеме жасап
Қанат Ислам Флорида штаты Плант-Сити қаласында өтетін Probox Promotions бокс кешінде өнер көрсетеді. Оның қарсыласы британиялық Джимми Келли (25-2, 10 КО) болады.
Бокс ардагерлері кіші Рой Джонс, Антонио Тарвер және Поли Малиньяджи рингсайдта кеш туралы пікір өрбітеді.
Айта кетейік, Қанат Ислам алдыңғы жекпе-жегін 2021 жылы ақпанда өткізді. Онда отандасымыз эквадорлық Джейсон Миндуды (14-5-1, 8 КО) жетінші раундта техникалық нокаутпен жеңді.
