Жолаушы пойыздың тоқтату кранын жұлып алған
Бұл оқиға Жамбыл облысының Отар-Шу учаскесінде болды.
Тоқтату кранын жұлып алған жолаушы Алматы-Нұр-Сұлтан пойызын шұғыл тоқтатты, деп хабарлайды Almaty-akshamy.kz
ҚР ІІМ Көліктік полиция департаментінің баспасөз қызметінің мәліметінше, сол жағдайдың кесірінен пойыз маршруттан жеті минутқа кешігіп қалған.
Тексеру кезінде көлік полицейлері құқық бұзушыны ұстады. Ол 28 жастағы Қарағанды облысының тұрғыны болып шықты. Ер адамға қатысты Қазақстан Республикасының Әкімшілік кодексінің 560-бабына сәйкес әкімшілік хаттама жасалды. Бұл бап бойынша пойызды заңсыз тоқтатқаны үшін 5 АЕК (14 585 теңге) көлемінде айыппұл салынады.
