Жемқорлардан қанша ақша тәркіленді?
Кейін бұл ақша өңірлерге таратылады.
Премьер-Министрдің орынбасары - Қаржы министрі Ерұлан Жамаубаев жемқорлардан тәркіленген соманы жариялады, деп хабарлайды Almaty-akshamy.kz
Бүгінде қазынашылық органдарда арнайы есепшот ашылған. Соған жемқорлардан тәркіленген ақша аударылып отырады.
"Қазіргі кезде ол есепшотта, шамамен, 120 миллиард теңге жиналды. Біз Оқу-ағарту министрлігінен өтінімдерді күтіп отырмыз. Алдымен үш ауысыммен оқитын мектептер жөнделеді. Ағымдағы жөндеу жұмыстары бар, мектепті кеңейту үшін қосымша құрылыс салынады. Есепшоттағы ақша ең бірінші соған жұмсалады", - деді Жамаубаев Сенатта өткен брифингте.
Министрдің айтуынша, барлық өтінім республикалық бюджет комиссиясының қарауына шығарылады.
Айта кетері, Қасым-Жомарт Тоқаев жемқорлардан тәркіленген қаражатқа мектеп салуды тапсырды.
