Желтоқсан қаһармандарының ерлігі жұртымыздың жадында мәңгі сақталады - ҚР Президенті
Қазақстан Президенті Қасым-Жомарт Тоқаев Twitter-дегі парақшасында 16-желтоқсан оқиғасына қатысты жазба қалдырды, деп хабарлайды Almaty-akshamy.kz Inform.kz-ке сілтеме жасап.
«Төл тарихымызда өшпес із қалдырған Желтоқсан оқиғасына бүгін 36 жыл толды. Сол ызғарлы күндерде халқымыз қайсар рухы мен азаттыққа деген ұмтылысын паш еткен еді. Желтоқсан қаһармандарының ерлігі мен құрбан болған боздақтардың бейнесі жұртымыздың жадында мәңгі сақталады», - деп жазды Президент.
