Жамбыл облысындағы вакцина зауыты іске қосылды
Премьер-Министрдің орынбасары Мемлекет басшысының тапсырмасы аясында вакциналар өндіретін биофармацевтикалық зауыттың жұмысымен танысты.
Вице-Премьер Ералы Тоғжанов бастаған үкіметтік делегация жұмыс сапарымен Жамбыл облысының Қордай ауданына барды, деп хабарлайды Almaty-akshamy.kz
Ералы Тоғжанов зауытта облыс әкімі, институт басшылығы, сарапшылардың қатысуымен арнайы кеңес өткізді. Онда зауыттың өзекті мәселелері қаралып, шешу жолдары айқындалды.
Сондай-ақ Вице-Премьер институт қызметкерлері үшін тұрғын үй құрылысының барысын тексерді. Тұрғын үймен қамтамасыз ету биологиялық қауіпсіздік саласына білікті қызметкерлерді тарту үшін жағдай жасауға мүмкіндік береді.
