Жәмила Бақбергенова мен Азамат Дәулетбеков әлем құрамасына шақырту алды
Чемпионаттың жүлде қоры 100 мың швейцар франкін құрайды.
Жәмила Бақбергенова мен Азамат Дәулетбеков еркін күрестен әлем кубогында өнер көрсету мүмкіндігіне ие болды, деп хабарлайды Almaty-akshamy.kz Қазақстанның күрес федерациясына сілтеме жасап.
«10-11 желтоқсанда АҚШ-та еркін күрестен және әйелдер күресінен әлем Кубогы өтеді. Әлем чемпионатының рейтингі бойынша бес үздік команда кубокқа жолдама алады. Алтыншы команда - Жұлдыздар тобы. Бұл топтың құрамын Біріккен күрес әлемі (UWW) шешеді»,- делінген Қазақстанның күрес федерациясының Instagram парақшасында.
Айта кетсек, чемпионаттың жүлде қоры 100 мың швейцар франкін құрайды. Бірінші орын алған команда ұтыстың 70%-ын, екінші команда 20%-ын, үшіншісі 10% алады.
Посмотреть эту публикацию в Instagram