Жұбайлар жазған кітап

604Ерлі-зайыпты журна­листер Марат Тоқашбаев пен Раушан Кәрішалованың «Бақыттың кілті» атты кітабы жарық көрді. Кітап отба­сылық құнды­лықтарды наси­хаттауға ар­налған. Бүгінгі электроника ғасырында өмір сүру жеңіл тәрізді көрін­генімен, бақытты отбасын құру оңай емес. Тіршіліктің шым-шытырық бұралаң­дарынан адаспай өтіп, өз жұбыңды табу, тағдырыңды тапсырған адаммен тіл табысу – тек иман мен төзімнің, ақыл мен сабырдың арқасында ғана мүмкін.

Жазушы-журналист Марат Тоқашбаев педа­гогикалық академиясының академигі, профессор, республикалық қоғамдық-саяси «Президент және халық» газетінің бас редакторы болса, қаламгердің жұбайы Раушан Кәрішалова – «Қазақстан патриоты» журналының бас редакторы, Қазақстан Журналистер одағы сыйлығының иегері.

Журналистердің өзара сұхбаты түрінде берілген пікіралмасулар отбасылық өмірдің алуан аспектілерін, ерлі-зайыптылардың отбасындағы міндеттерін, онда сабыр мен имандылықтың алар орнын талқылайды. «Шаңырақ шырайының шарттары» бөлімінде «Ерлі-зайыптылардың сөйлесу мәдениеті», «Ерін сыйлаған есікте қалмайды», «Қызғаныштың емі» тәрізді тақырыптар жұртшы­лықтың көкейіндегі көптеген сұрақтарына жауап береді.

«Дәстүрімізді дәріптесек» бөлімінде құдалыққа кімдер баратыны, қоржынды кімдер ашатыны, «өлі-тірі» апарудың сырлары, абысындар институты, ене мен келін институты туралы өте құнды деректер берілген.

Кітаптың келесі бір бөлігі қазақ халқының әдет-ғұрыптарын, салт-дәстүрлерін насихаттауға арналған. Ондағы қателестірмейтін қағидалар жас жұбайларға таптырмас ақылшы болмақ. «Бақыттың кілті» кітабы шаңырақ құруды ойластырып жүрген қыз-жігітке ғана емес, үйленгендеріне бәленбай жыл болған қосақтарға да кәдімгідей ой саларлық.

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *