Зара Еуропада үздік шетелдік ойыншы атанды

Зара  Еуропада үздік шетелдік ойыншы атанды
Сурет: Іnform.kz

Жерлесіміз жарады!

Қазақстандық Зара Дәркен 14 жасқа дейінгілер арасында Еуропа теннис қауымдастығының 2021 жылдағы үздік шетелдік ойыншысы атанды, деп хабарлайды Almaty-akshamy.kz ҚазАқпарат сайтына сілтеме жасап

Қазақстан теннис федерациясы мәлім еткеніндей, Ақтөбе облысының түлегі Зара Дәркен биылғы маусымда үздік 20 ойыншының қатарына кірді. Турнирлерде жекелей және жұптық сында бір реттен жеңімпаз атанды. Үш дүркін финалға дейін жетті.

«Жылдың үздік ойыншысы атанғаныма қуаныштымын. Бұл – мен үшін жоғары баға. Жыл бойы жарыстарда бар күшімді салдым. Маған үлкен қолдау көрсеткені үшін бапкерлерім мен Қазақстан теннис федерациясына алғысымды айтамын. Келесі жылы да биіктен көрінуге тырысамын», - дейді Зара Дәркен.