Үйінді астында дүниеге келген сәбиді асырап алғысы келетіндер қатары қалың
Бірер күн бұрын зілзаладан кейін Сирияда үйінді астында дүниеге келген нәресте құтқарылған еді.
Ол жайында әлемдік БАҚ жаппай хабар таратты. «Би-Би-Си»-дің хабарлауынша, ата-анасыз қалған Айя есімді сәбиді асырап алуға әлеуметтік желі арқылы мыңдаған адам ниет танытқан. Қазір Айя ауруханада жатыр, жағдайы тұрақты, деп хабарлайды Almaty-akshamy.kz
Жалпы, елде апат құрбандарының саны 3300-ден асты. Зардап шеккендерге гуманитарлық көмектің алғашқы легі кеше жеткен. Логистикалық қиындықтар мен жолдардың бұзылуына байланысты елдің солтүстік-батысына жүк көліктерін кіргізу мүмкін болмаған еді.
