Түркияда өткен фестивальде «Қазақфильм» киностудиясы арнайы жүлдемен марапатталды

Түркияда өткен фестивальде «Қазақфильм» киностудиясы арнайы жүлдемен марапатталды
Cурет: Қазақфильм

Кинофестивалге биыл 13 елден барлығы 42 кинотуынды қатысты

Ыстанбұл қаласында өткен Korkut Ata Turkic World Film Festival кинофестивалінің салтанаттында Ш.Айманов «Қазақфильм» киностудиясы «Түркі елдері кинематографиясына қосқан үлесі үшін» арнайы жүлдемен марапатталды. Бұл награданы киностудияның президенті Ақан Сатаевқа табыстады, деп хабарлайды Almaty-akshamy.kz «Қазақфильм» киностудиясына сілтеме жасап.

Марапаттау салтанаты әдеттегідей қызыл кілем үстінен өті рәсімімен басталды.  Бұл шараға Қазақстанның делегациясы – Қазақстанның халық артисі Асаналі Әшімов, «Қазақфильм» киностудиясының президенті Ақан Сатаев, киностудияның өндіріс бойынша вице-президенті Айдар Баталов, «Ұлттық киноны қолдау мемлекеттік орталығы» КЕҚ Бас продюсері Адай Әбілдинов, Қазақстанның еңбек сіңірген қайраткері Рустем Әбдірашев, актер Берік Айтжанов, актер Еркебұлан Дайыров актрисалар Альмира Тұрсын және Мадина Есманова, режиссер Нұрғиса Әлмұрат, продюсер Нұрлан Қоянбаев және басқалары қатысты. Фестивальдің жабылу салтанатына ҚР Мәдениет және спорт министрі Ақтоты Райымқұлова да қатысты.

Айта кетсек, фестиваль шеңберінде Қазақстан, Әзірбайжан, Түркия, Өзбекстан және Қырғызстан министрлері жоғарыда аталған мемлекеттерде «Қоқыт ата» фестивалін өткізу, сондай-ақ кино өнері саласында ынтымақтастық жөнінде меморандумға қол қойды.

Түркияда алғаш рет өткізіліп отырған Korkut Ata Turkic World Film Festival кинофестивалінде биыл 13 елден барлығы 42 кинотуынды қатысты.

Фестивальдің ашылу салтанатында режиссер Ақан Сатаевтың «Томирис» фильмі көрсетілді.