Тоғыз банк таратылатын болды
Банктердің мүлкін сату туралы ақпарат таратылатын банктің сайтында жарияланады.
Қазақстанда тоғыз банк таратылу алдында тұр, деп хабарлайды Almaty-akshamy.kz Қаржы нарығын реттеу және дамыту агенттігіне сілтеме жасап.
Агенттік лицензиялары қайтарып алынған банктерді тарату өндірісінің тәртібі, процесі және қазіргі жай-күйі туралы мәлімет берді.
«Қазіргі уақытта 9 банк – Валют-транзит банк, Қазинвестбанк, Delta Bank, Эксимбанк Қазақстан, Астана Банкі, Qazaq Banki, Tengri Bank, AsiaCredit Bank және Capital Bank Kazakhstan таратылу сатысында», - делінген агенттіктің хабарламасында.
Аталған агенттіктің мәліметінше, банк қызметін тоқтату кезіндегі негізгі мақсат – кредиторлардың талаптарын қанағаттандыру, олармен есеп айырысуды қамтамасыз ету және банктің барлық операциясын аяқтау.
