Телефонның SIM-картасын араға қанша уақыт салып ауыстырған дұрыс?
SIM-карта – мәліметтерді сақтайтын құрылғы
Телефонның SIM-картасы физикалық тұрғыда тозып, істен шыққанын күтіп отыруға болмайды. Бұл туралы телекоммуникация саласының сарапшысы Григорий Лысенко Sputnik радиосына берген сұхбатында айтты, деп хабарлайды Almaty-akshamy.kz.
Оның айтуынша, SIM-карта әбден ескіріп, тозған жағдайда байланыс сапасы нашарлап, сақталған деректер жоғала бастайды. Өйткені SIM-карта – мәліметтерді сақтайтын құрылғы, яғни компьютердің жедел жады дискісі сияқты. Біз оның жадына жаңа деректерді қосқанда немесе ескі деректерді жойған кезде ол ескіре береді, сондықтан оны әр төрт-бес жыл сайын ауыстырып отыру керек, деп санайды ресейлік сарапшы.
«Жады ұяшықтарының физикалық тозуына байланысты SIM-карта ескіреді. Яғни SIM-карта компьютер мен смартфонның жедел жады дискісі секілді, оған мәліметтер келіп, сақталып тұрады. SIM-карта тозып, істен шығу үшін 10-15 жыл керек. Дегенмен, оның алдын алу мақсатында SIM-картаны жиі ауыстырып тұрған жөн. Оның төрт-бес жылда бір жасап тұрған дұрыс»,-дейді Григорий Лысенко.
Кейде SIM-картаның қызмет етуі төрт жылға да жетпей қалады екен, сондықтан кейбір телефон иелері оны жиі ауыстырып тұрады.
«Телекоммуникация компанияларының кейбір клиенттері SIM-картаны жиі ауыстырады. Оның басты себебі – қоңыраудың, яғни байланыстың аз болуынан. Сондай-ақ SIM-картаның ішкі баптауларының барлығы дұрыс қойылғанымен оны желіге тіркеу мүмкін болмай қалатын кездер орын алады. Мұндай жағдайда да SIM-картаны ауыстырады,-дейді сарапшы.
