Танымал балетмейстер Тұрсынбек Нұрқалиев дүниеден өтті
Хореография өнерінің тарланы 70 жаста болған.
Еліміздің хореография өнерінің тарланы, Қазақстанның еңбек сіңірген қайраткері, «Астана Опера» театры балет труппасының директоры Тұрсынбек Нұрқалиев қайтыс болды, деп хабарлайды Almaty-akshamy.kz.
Хореография өнерінің тарланы Тұрсынбек Нұрқалиев - Алматы мемлекеттік хореографиялық училищесінің түлегі. 1970-2000 жылдары аралығында Абай атындағы мемлекеттік опера және балет театрында балет солисі болды. 2002 жылы Т. Жүргенов атындағы Ұлттық өнер академиясын «Режиссер-хореограф» мамандығы бойынша бітірген.
2000-2013 жылдары – К.Байсейітова атындағы ұлттық опера және балет театры балет труппасының бас балетмейстері.