Тамызда неше күн демаламыз?
30 тамызда Қазақстанда негізгі мемлекеттік мерекелердің бірі - Конституция күні атап өтіледі.
Биыл Конституция күні сейсенбіге сәйкес келеді, деп хабарлайды Almaty-akshamy.kz
Бұл күн мереке. Сонымен бірге, Үкіметтің «2022 жылғы демалыс күндерін ауыстыру туралы» қаулысына сәйкес, демалыс күні 27 тамыз сенбіден 29 тамыз дүйсенбісіне ауыстырылды.
Сәйкесінше, қазақстандықтар былай демалатын болады:
- бес күндік жұмыс аптасымен – демалыс күнінің үш күн қатарынан ауыстырылуын ескере отырып, 28, 29, 30 тамыз (жексенбі, дүйсенбі, сейсенбі);
- алты күндік жұмыс аптасымен – екі күн: 28, 30 тамыз (жексенбі, сейсенбі).
Жалпы, бес күндік жұмыс аптасына көшкен қазақстандықтар тамыз айында 9 күн демалады.
