Барлығы 64 адам әкелінген.
Қазақстан Республикасы Сыртқы істер министрлігінің мәліметінше, Түркияда 75 мыңға жуық қазақстандық болуы мүмкін, деп хабарлайды Almaty-akshamy.kz
2023 жылғы 8 ақпанда Қазақстан Республикасы Төтенше жағдайлар министрлігінің 56 адамнан тұратын екінші эшелоны қажетті іздестіру-құтқару құралдарымен Түркияның Газиантеп провинциясына келді. Дәл осы арнайы ұшақ Түркиядан Қазақстанға 64 адамды жеткізді.
ҚР Сыртқы істер министрлігінің мәлімдеуінше, Қазақстанның Түркиядағы Елшілігінің ұйымдастыруымен кері рейспен ИЛ-76 ұшағымен 64 адам:
42 Қазақстан азаматы;
22 Қырғызстан азаматы Астанаға қайтарылды.
«Елге оралған азаматтар Газиантеп, Мерсин, Кахраманмараш, Диарбакыр, Шанлыурфа және Элязык провинцияларынан келген», -деп мәлімдеді ҚР Сыртқы істер министрлігі.
2023 жылы 6 ақпанда таңертең Түркия мен Сирияда жойқын жер сілкінісі болды.
7 ақпанда Мемлекет басшысының тапсырмасымен қазақстандық құтқарушылар мен дәрігерлер Төтенше жағдайлар министрлігінің арнайы рейсімен Түркияға ұшты. Сол арнайы рейспен кешкі уақытта Түркиядан Астанаға 16 қазақстандық пен екі қырғызстандық келген.