Табысы аз мамандық иелеріне несие беріле ме?
Банктер кімге несие беруге болатынын, кімге беруге болмайтынын қалай анықтайды? Табысы төмен мамандық иелері сырт қалады ма?
АЙНҰР, Алмалы ауданы.
Банктің кредит комитеті қарызгерді таңдағанда оның басқа несиелері бар-жоқтығын, бұдан бұрын алған несиелерін қалай төлегенін, табысын есепке алады. Қаржы ұйымдарының бұл сұраққа ресми жауабы осындай болып келеді. Бірақ бейресми ақпаратқа сүйенсек, банктер қаржыгерлер мен заңгерлерге несие беруден қатты сақтанады. Олардың табысы, тіпті бірнеше мың доллар болса да несиеге өтінішін мақұлдамайды. Өйткені, осы екі мамандық иелері келісімшарттың бүге-шігесін жақсы білетіндіктен, ертең банк менеджерлерінің екі аяғын бір етікке тығуы мүмкін.
Сондай-ақ, қомақты кредит алып, заң бойынша банкті «лақтыратындардың» дені заңгерлер деген мәлімет те бар. Одан өзге көлік жүргізушілері, полиция, ұлттық қауіпсіздік қызметі және әскерилер несие берілмейтін мамандықтардың бейресми тізіміне кіреді.
