Шымбұлақтағы өрт сөндірілді
Қаза тапқандар мен зардап шеккендер жоқ.
Алматы қаласындағы Шымбұлақ тау-шаңғы курортындағы рестобардан шыққан өрт сөндірілді, деп хабарлайды Аlmaty-akshamy.kz ҚР Төтенше жағдайлар министрлігінің баспасөз қызметіне сілтеме жасап.
ТЖМ берген ақпаратқа сәйкес, өрт сағат 08.05-те оқшауланып, сағат 08.30-да сөндірілді.
«Өртті сөндіру барысында қар генераторы қолданылды, қабылданған шаралардың арқасында «Шымбұлақ» ТШК гондольды жолына оттың таралуына жол берілмеді», — деді Төтенше жағдайлар министрлігінің өкілі Руслан Иманқұлов.
«Облака» мейрамханасының 3 қабатты ғимараты өртенді. Қаза тапқандар мен зардап шеккендер жоқ. Өрт аумағы 800 шаршы метрді құрады.
«Өрттің шығу себебі анықталуда. Өртті сөндіруге жеке құрамнан 13 адам жұмылдырылды», - делінген хабарламада.
