Шахматтан әлем чемпионы Бибісара Асаубаева Сербиядағы турнирде үшінші орын алды

Шахматтан әлем чемпионы Бибісара Асаубаева Сербиядағы турнирде үшінші орын алды
Сурет: Дереккөз

Ол жанкүйерлеріне алғыс айтты

Шахматтан 18 жастағы қазақстандық әлем чемпионы Бибісара Асаубаева өзінің Instagram парақшасында Сербияның Нови-Саде қаласында өткен Serbian Chess Open-2022 турниріндегі жетістігі туралы жазды, деп хабарлайды Almaty-akshamy.kz.     

«Олимпиада алдында жақсы шыңдалдым. «Сербия опен», Шебер турнирі, әйелдер арасында 3-ші орын, рейтингім өсе түсті! Енді сүйікті бапкерлерімнің ең мықты жиынына жол тартамын! Қымбатты жанкүйерлерімен рахмет!», - деп жазды, шахматшы қыз.

Сондай-ақ ол барлық қазақстандықтарды Елорда күнімен құттықтады. 
Осыған дейін Бибісара Асаубаева Сербияның Нови-Саде қаласына жүргенін айтты. Сербия жас шахматшы көрген 30-ші мемлекет болып отыр.