Сенаторлар мүгедек адамдардың өмірін жақсартуға бағытталған заң жобасын қарады
Сенаттың Әлеуметтік-мәдени даму және ғылым комитетінің депутаттары кеңейтілген отырыс өткізді.
Онда мүгедек адамдардың өмір сүру сапасын жақсарту мәселелері жөніндегі заң жобасын талқылады, деп хабарлады Almaty-akshamy.kz 24.kz-ке сілтеме жасап.
Сенаттың баспасөз қызметінің мәліметінше, құжаттың мақсаты мүгедек адамдарды әлеуметтік қорғау саласындағы заңнаманы жетілдіру, сондай-ақ біздің еліміз ратификациялаған Конвенциядан халықтың тиісті тобының құқықтары туралы кемсітушілік терминологиясын алып тастау, заңнамадағы олқылықтың орнын толтыру және мүгедек адамдардың өмір сүру сапасы мәселелерін реттейтін нормаларды сәйкестендіру болып табылады.
Заң қабылданған жағдайда әлеуметтік қызмет көрсету саласындағы мемлекеттік саясат жетілдіріле түседі. Заң жобасы сонымен қатар мүгедектікті белгілеу мен экономикалық дербестікті кеңейту үшін медициналық-әлеуметтік сараптамадан өту кезінде сыбайлас жемқорлық тәуекелдерін төмендетуге, сондай-ақ оңалту қызметтерін жетілдіруге ықпал етеді.
Заң жобасына Қазақстан Республикасы Парламентінің депутаттары бастамашы болды және мүгедек адамдардың өмір сүру сапасын жақсартуға бағытталып отыр.
Заң жобасында мүгедек адамдарды және халықтың жүріп-тұруы шектеулі басқа да топтарын тасымалдау үшін тұрақты қалалық тасымалға дайындаушы зауыт бейімдеп жасаған автобустарды сатып алу жөніндегі міндетті талапты енгізу, үшінші топтағы мүгедек адамдарды құқықтық және техникалық сипаттағы нотариаттық істерді жасау кезінде жеке нотариустардың қызметіне ақы төлеуден босату және басқа да жаңалықтар бар. Сенаторлар комитеттің кеңейтілген отырысының қорытындысы бойынша заң жобасын Палатаның қарауына беру туралы шешім қабылдады.
