Сарапшылар: алты айдан кейін коронавирусты жеңуіміз мүмкін
Пандемия қашан аяқталады?
Шетелдік сарапшылардың мәліметі бойынша, жарты жылдан кейін пандемияға дейінгі өмірге қайта оралуымыз мүмкін, деп хабарлайды Almaty-akshamy.kz.
Мұндай болжамды Bloomberg агенттігінің сарапшылары жасап отыр. Олардың айтуынша, қазір әлемде 6 миллиардқа таяу доза салынған. Орта есеппен күніне 33 миллион егіледі. Осылайша, бүгінде әлем халқының 39%-ы вакцина алды.
Егер осы қарқыннан таймасақ, жарты жылдан кейін екпе салдырғандар саны 75%-ке жетуге тиіс. Алайда вакциналау науқаны барлық жерде бірдей емес. Бай мемлекеттерде кедей елдерге қарағанда 20 есе жылдам жүріп жатыр. Мәселен, Испанияда халықтың 77%-ы екпенің екі дозасын да алса, Конго мен Йеменде олардың үлесі 0,1%-ға да жетпейді.
