Ресейде жасөспірімдерге энергетикалық сусындар сатып алуға тыйым салынады
Энергетикалық сусындарды сатуға тыйым салатын заң жобасы әзірленуде.
Дума депутаттары үкіметпен бірге кәмелетке толмағандарға энергетикалық сусындарды сатуға тыйым салатын заң жобасын әзірлеп жатыр, деп хабарлайды Аlmaty-akshamy.kz lenta.ru сілтеме жасап.
Заң жобасының мақсаты - 18 жасқа толмаған тұлғаларға алкогольсіз энергетикалық және тоник сусындарды сатуға жол бермеу. Сондай-ақ, мұндай сусындарды кәмелетке толмағандарға сатқаны үшін сатушылар мен кәсіпкерлер де жауапқа тартылады.
Думаның Қауіпсіздік және сыбайлас жемқорлықпен күрес жөніндегі комитетінің мүшесі Сұлтан Хамзаев: «Энергетикалық сусындардың құрамындағы таурин, кофеин және гуарана мөлшерінің жоғарылауы бала денсаулығына кері әсер етеді», - дейді.
«Балалар арасында онсыз да жүйке жүйесі, жүрек, қан тамырлары аурулары көбейді. Бұған энергетикалық сусындардың әсерін қоссаңыз, жағдай мүлде қиын. Энергетикалық коктейльдердің зиянды екенін барлық дәрігерлер айтады», - деді депутат.
