Путин Назарбаевқа алғыс айтты
Нұрсұлтан Назарбаев ТМД-ға мүше елдер көшбасшыларының бейресми кездесуіне қатысу үшін Санкт-Петербургке барған.
Ресей Президенті Владимир Путин Қазақстанның Тұңғыш Президенті Нұрсұлтан Назарбаевқа Еуразиялық экономикалық одақ құру туралы идеясы үшін алғыс айтты, деп хабарлайды Almaty-akshamy.kz РИА Новостиге сілтеме жасап.
«Сізді Ресейде, Петербургте көргенімізге қатты қуаныштымыз. Келгеніңізге рақмет. ЕАЭО-ны дамыту бойынша әріптестерімізбен жиналған кезде әрқашан бұл идеяның Сізге тиесілі екенін еске түсіретінімізді айта кету керек. Осы одақтың бастамашысы болғаныңыз үшін Сізге алғысымыз зор», - деді Путин.
Путин Ресей мен Қазақстанның ынтымақтастығы туралы да айтты.
«Өз тарапымнан сіздерді және бүкіл Қазақстанды келе жатқан мерекемен құттықтаймын», - деді Путин.
