Президент «ҚазАвтоЖол» мен «Казахавтодорды» біріктіруді тапсырды
Қазақстанның біртұтас автожол компаниясын құруды тапсырды.
Қазақстан Президенті Қасым-Жомарт Тоқаев Қасым-Жомарт Тоқаев Үкімет отырысында жол сапасы сын көтермейтінін айтты, деп хабарлайды Almaty-akshamy.kz.
«Келесі мәселе – автожол саласына қатысты. Бұл салаға түбегейлі реформа жасайтын уақыт жетті. Қазір еліміздегі жолдың жай-күйін қадағалап, қызмет көрсететін екі негізгі оператор бар. Турасын айтсақ, екеуі де бір жұмысты атқарып отыр, жұмысшыларының саны да қажетті шамадан артық.Соған қарамастан, азаматтардан келіп жатқан орынды арыз-шағымдар азаяр емес, ал жолдың сапасы мүлде сын көтермейді. Үкіметке «ҚазАвтоЖол» және «Казахавтодорды» біріктіріп, Қазақстанның біртұтас автожол компаниясын құруды тапсырамын. Нәтижесінде қызметкерлердің саны да қысқаратын болады», – деді Президент.
