Премьер-Министр «АЛЖИР» мемориалдық мұражай-кешеніне барды
Үкімет басшысы еске алу қабырғасына гүл шоғын қойып, құрбандарды бір минут үнсіздікпен еске алды.
ҚР Премьер-Министрі Әлихан Смайылов саяси қуғын-сүргін және тоталитаризм құрбандарының «АЛЖИР» мемориалдық мұражай-кешеніне барды, деп хабарлайды Almaty-akshamy.kz Үкіметтің телеграм каналына сілтеме жасап.
ҚР Үкіметінің басшысы Саяси қуғын-сүргін және ашаршылық құрбандарын еске алу қабырғасына гүл шоғын қойып, бір минут үнсіздікпен еске алды.
Мұражай кешенін аралау барысында Әлихан Смайылов экспозициялар мен басты залдарды көріп, танысты.
Саяси қуғын-сүргін және тоталитаризм құрбандарының «АЛЖИР» мемориалдық-мұражай кешені Ақмола кентінде бұрынғы «Отанын сатқандар әйелдерінің Ақмола лагерінің» орнында орналасқан.
