Полицейлер 1 460 бірлік қару мен 35 мың оқ-дәріні тауып, тәркіледі
Қабылданған шаралар нәтижесінде еліміздің полицейлері 1 460 бірлік қару мен 35 мыңнан астам оқ-дәріні тауып, тәркіледі.
Бұл туралы Орталық коммуникациялар қызметінде өткен қаңтар оқиғасы, тергеу барысы туралы брифинг барысында ҚР Бас прокуратурасы 1-қызмет бастығының орынбасары Елдос Қилымжанов мәлімдеді, деп хабарлайды Almaty-akshamy.kz.
Қаруды алып қоюдан басқа, полиция қызметкерлері тәртіпсіздік кезінде ұрланған азаматтардың мүлкін іздеу және табу жұмыстарын жалғастыруда.
Бұл - ең басым бағыттардың бірі, өйткені сол арқылы залалды өтеу жүзеге асады.
Полиция органдары ел азаматтары ұрлаған 340 млн теңгеден астам сомаға бағаланатын мүліктерді тауып, тәркіледі.
