«Zhasyl Qalqan» компаниясы қайта өңдеуге жіберілетін пластикалық бөтелкелерді қабылдайтын арнайы фандоматтарды орнату бойынша әлеуметтік экологиялық жобаны іске асыруда.

Көлік карталарын пайдаланушылар ыдысты тапсырғаны үшін сыйақы қарастырылған - бір пластикалық бөтелкенің құны 3 теңге. Ол ақша сіздің жол картаңызға түседі.

- Біздің компания «Экотехнологиядан» фандомат сатып алды, ал операциялық жүйені CTS және ЭТ-мен бірлесіп Артем Пархоменко әзірледі. Біз оларға қолдау көрсеткені үшін ризамыз. Сіз тапсырған ыдыс екінші рет қайта өңдеуге түсетініне және пластикке екінші рет өмір беретініне сенімді бола аласыз, осылайша біз еліміздің экологиясын жақсартуға және көміртегі ізін азайтуға өз үлесімізді қосқымыз келеді. Болашақта біз мотивация жүйесін кеңейтуді жоспарлап отырмыз және қазірдің өзінде басқа мүдделі компаниялармен біздің фандоматтарымызда қосымша бонустар туралы келіссөздер жүргізіп жатырмыз, - деді «Zhasyl Qalqan» компаниясының өкілі Шасалим Шагалимов.

«Zhasyl Qalqan» компаниясы еліміздің экологиялық болашағына бей-жай қарамайтын барлық мүдделі тұлғаларды жобаға қосылуға және фандоматтар желісін кеңейтуге өз үлесін қосуға шақырады.