Өзбекстанда электрмен қамту 70 пайызға қалпына келтірілді
Өзбекстанды жарықпен қамту жүйесі 70%-ға қалпына келтірілді.
Сәрсенбі күнгі жаппай үзілістен кейін Өзбекстанды электрмен қамту 70%-ға қалпына келтірілді. Энергетикалық жүйедегі ірі ақаулар жойылды және елдің бірыңғай энергетикалық желісіне энергия жеткізілді, деп хабарлады Almaty-akshamy.kz Interfax.ru агенттігіне cілтеме жасап.
«Жүйедегі ірі ақаулар жойылды, республиканың бірыңғай энергетикалық жүйесіне электр энергиясы жеткізілді. Электрмен қамту 70 пайызға қалпына келтірілді», - деп хабарлады елдің Энергетика министрлігінің өкілі.
Оның айтуынша, Ташкентте және кейбір облыстарда электр қуатын беру толығымен қалпына келтіріліп, жергілікті проблемалар жойылуда.
«Ең алдымен халық пен әлеуметтік нысандар электр қуатымен қамтамасыз етілді», - деп атап өтті Энергетика министрлігінің өкілі.
Оның айтуынша, жылу электр станцияларының энергоблоктарын кезең-кезеңімен іске қосу жалғасып жатыр.
Ведомствода жүйедегі ақаулардың салдарынан еліміздегі жұмыс істеп тұрған газ кен орындары мен мұнай өңдеу зауыттарында технологиялық процестерді бұзу фактілері орын алатынына назар аударды.
«Бұл өз кезегінде газ өндірудің төмендеуіне әкеледі. Сондықтан жылу электр станцияларында газ қысымының төмендеуі байқалады, бұл электр энергиясын өндіру көлеміне кері әсер етеді», - деп атап өтті Энергетика министрлігі.
Өзбекстанның Тұрғын үй-коммуналдық шаруашылығы министрлігінің мәліметінше, Ташкент пен басқа да ірі қалаларды сумен қамтамасыз ету толығымен қалпына келтірілді.
Көлік министрлігі республика қалалары арасында жүрдек «Афросиоб» пойыздарының қозғалысы қайта жанданғанын хабарлады. Ташкентте таңғы бестен электр қуатының үзілуіне байланысты бір күн бұрын үзілген метроның жұмысы қалпына келтірілді.
25 қаңтар күні таңертең Қазақстан, Өзбекстан және Қырғызстанда жаппай электр қуаты үзілді. Бұл Орталық Азияның біртұтас энергетикалық жүйесіндегі апатқа байланысты болуы мүмкін.
Орталық Азияның біртұтас энергетикалық жүйесіне Өзбекстан, Оңтүстік Қазақстан, сондай-ақ Қырғызстан, Тәжікстан және Түркіменстан кіреді.
