Оралханның музейі мемлекетке берілді
Биыл жазушының туғанына 80 жыл.
Жазушы Оралхан Бөкейдің музей-үйі мемлекет меншігіне берілді, деп хабарлайды Almaty-akshamy.kz
Музей-үй осы уақытқа дейін жазушының қарындасы Ғалия Бөкейдің меншігінде болған.
20 жылдай жабық тұрған Оралхан Бөкейдің Шыңғыстағы музей-үйі мемлекет меншігіне қайтарылды.
Аудан әкімі Ділдар Қалиханның айтуынша, енді үйдің іші-сыртына жөндеу жұмыстары жүргізіледі. Ал мұражайдың алдына жазушының жаңа мүсіні қойылады.
Оралхан Бөкейдің қарашаңырағы бұған дейін де музей ретінде ашылған. Бірақ белгісіз себеппен жабылып қалған.
