Оқу жылы неліктен ұзартылды?

Оқу жылы неліктен ұзартылды?
Сурет: Inbusiness.kz

Оның себебін Оқу-ағарту министрі түсіндірді. 

ҚР Оқу-ағарту министрі Ғани Бейсембаев биылғы оқу жылын қорытындылады, деп хабарлайды Almaty-akshamy.kz.

«Оқу жылының аяқталуына санаулы күндер қалды. Министрлік алдында тұрған маңызды міндеттердің бірі – биылғы оқу жылын табысты аяқтау және балалардың жазғы демалысы мен сауықтыруын сапалы ұйымдастыру әрі қауіпсіздігін толық қамтамасыз ету», - деді министр Үкімет отырысында.

Биылғы оқу бағдараламасына енгізілген өзгеріс – елімізде оқу жылы 34 аптадан 36 аптаға дейін ұзартылды. Сәйкесінше, оқу жылы 31 мамырда аяқталады.

«Бұл шешімнің басты себептері: балалардың отбасында көбірек уақыт өткізуіне қатысты ата-ана өтініштерінің ескерілуіне байланысты 5 күндік оқу аптасына көшу; оқушыларға жүктемені азайту жөніндегі сарапшылар ұсынысы; оқу аптасының ұзақтығын Экономикалық ынтымақтастық және даму ұйымының стандарттарына сәйкестендіру. Әлемдік тәжірибеге назар аударсақ, ЭЫДҰ елдерінде оқу жылы 40 аптаны құрайды», - деп түсіндірді Ғ.Бейсембаев.

Оның айтуынша, әлем оқушылары жазғы каникулда 77 күн ғана демалса, еліміздің оқушылары үшін 13 апта немесе 90 күн демалыс белгіленген.