Нұр-Сұлтан қаласында мерекелік отшашу болмайды
Өткен жылы да елордада жаңажылдық отшашу болмаған еді.
Нұр-Сұлтан қаласында жаңа жыл күні мерекелік отшашу атылмайтын болды, деп хабарлайды Almaty-akshamy.kz
Мерекелік отшашудың болмайтынын алдымен қала әкімдігінің баспасөз қызметі растады. Кейін қалалық мәдениет басқармасынан «Жаңа жыл мейрамында отшашу болмайды» деген хабар жетті.
Айта кетсек, таяуда ғана Тәуелсіздік күніне орай Нұр-Сұлтанда отшашу салтанаты өткізілді. Фейерверк қаланың үш нүктесінен атылды және бұл шара демеушілер көмегімен ұйымдастырылды. Өткен жылы да елордада жаңажылдық отшашу болмаған еді.
