"Нұркент" шағынауданында теннис корттары ашылады

"Нұркент" шағынауданында теннис корттары ашылады
kartinkin.net

Алатау ауданы бойынша «Мектеп автобусы» жобасы аясында осы жылға ең мұқтаж үш мектеп (№196 – 2 автобус, №184 – 2 автобус, №210 – 5 автобус) таңдап алынды, жалпы саны 1153 балаға 9 автобус бөлінді. Автобустарды сатып алуды ескере отырып, олар 2023 жылдың ақпан айында іске қосылады деп күтілуде, деді қала әкімі Ерболат Досаев Алатау ауданының тұрғындарымен кездесуде.

Осы жылдың І тоқсанының соңына дейін Индустриялық аймақтың аумағында кәсіптік-техникалық колледждің, сондай-ақ инновациялық технологиялар колледжінің құрылысын бастаймыз. 720 орынға есептелген әрбір колледждің 380 орындық жатақханасы болады. Бүгінгі таңда олар бойынша мердігер ұйымдарды анықтауға конкурстар өткізілуде. Құрылыс шамамен 2024 жылдың қыркүйегіне дейін аяқталатын болады.

Биыл балаларға арналған спорттық және шығармашылық үйірмелерді жан басына шаққандағы қаржыландыру жалғасады. 2023 жылға Алматы қаласы бойынша 68 мың баланы қамту үшін 16,2 млрд. теңге сомасында бюджет бекітілді, оның ішінде Алатау ауданы үшін – 2,35 млрд. теңге.

Балаларды қосымша оқытумен қамту көлемін одан әрі арттыру үшін 2022 жылдың ақпанынан бастап көпсалалы Инновациялық шығармашылық орталығының (Оқушылар сарайы) құрылысы басталды. Оған аптасына 5 мыңнан астам бала баратын болады. Оның құрылысы 2023 жылдың II тоқсанына дейін аяқталады.

Сондай-ақ, "Зерделі" шағынауданында дене шынықтыру-сауықтыру кешенінің және "Нұркент" шағынауданында теннис корттарының құрылысы жүріп жатыр. Бұл спорт кешендері 2023 жылдың желтоқсан айында дайын болады.