Нурия Ниязова: Ассамблея елорда күнін ерекше атап өтетін еді
«Өкінішке қарай, қаламыздың соңғы уақыттағы эпидахуалының нашарлауына байланысты жақсы көретін мерекемізді ойдағыдай атап өте алмайтын болдық»
Бүгін Алматы қаласы өңірлік коммуникациялар қызметінің алаңында «Астана күніне орай Алматыда өткізілетін іс-шаралар» тақырыбындағы онлайн конференцияға қатысқан Алматы қаласы бойынша Қазақстан халқы Ассамблеясы төрағасының орынбасары Нурия Ниязова осылай деді, деп хабарлайды Almaty-akshamy.kz
Спикердің айтуынша, Алматыда 37 этномәдени бірлестік бар екен.
«Ассамблея бұл мерекені кең көлемде атап өтетін еді. Біз әр түрлі ұлттың салт-дәстүрін көрсетіп, мерекенің сәнін кіргізер едік. Өкінішке қарай, қазір тым қатты шектеу болып отыр. Соған байланысты «Достық» үйінен тікелей толқында онлайн конференциялар өткіземіз, одан басқа қайырымдылық жұмыстарымен айналысып жатырмыз» , - деді Нурия Ниязова.
