Мөңке би көшесінде уақытша көлік қозғалысы шектеледі

Мөңке би көшесінде уақытша көлік қозғалысы шектеледі
Сурет: Almaty-akshamy.kz

Мұндай ақпарды Алматы қалалық мобилділік басқармасы хабарлады. 

«Саин көшесі мен Мөңке би көшесінің қиылысындағы көлік жол айрығы құрылысы» нысаны бойынша құрылыс-монтаждау жұмыстарының жүргізілуіне байланысты Мөңке би көшесінің көлік қозғалысының сұлбасына келесі өзгерістер енгізіледі, деп хабарлайды Almaty-akshamy.kz.
1. 2022 жылғы 1 қазан сағат 22-00-ден 2023 жылғы 1 маусымға дейін Мөңке би көшесінің бойымен айналма жолдан Мәмбетов көшесіне дейін көлік қозғалысы тоқтатылады.
2. Көлік қозғалысы солтүстік және шығыс бағыттарда Ақын Сара және Момышұлы көшелері, айналма жол арқылы жүзеге асырылады.
3. Іргелес көшелермен көлік қозғалысы өзгеріссіз жүргізіледі.

«Аталған жұмыстар жол-құрылыс жұмыстары аясында жоспарланған. Келтірілген қолайсыздықтар үшін кешірім өтінеміз және жол жүру бағыттарыңызды алдын ала жоспарлауларыңызды сұраймыз», - делінген басқарманың хабарламасында.