Медицина саласын меңгеріп жүрген студенттердің шәкіртақылары көтеріледі

Медицина саласын меңгеріп жүрген студенттердің шәкіртақылары көтеріледі
Cурет: Egemen.kz

2022 жылы республикалық бюджеттен 4700 білім гранты бөлінді, оның 1500 гранты резидентураға арналған.

Денсаулық сақтау министрлігінің Ғылым және адами ресурстар департаментінің хабарлауынша, 2023 жылы Мемлекет басшысының тапсырмасын іске асыру мақсатында республикалық бюджет есебінен резидентураға гранттар санын 2500-ге дейін ұлғайту көзделген, деп хабарлайды Almaty-akshamy.kz.

Сондай-ақ 2021 жылы бакалавриат студенттері үшін шәкіртақы екі есеге жуық, интерндер үшін 25 пайызға, резиденттер, магистранттар, докторанттар үшін 15 пайызға өскені хабарланды.

«2025 жылға дейін шәкіртақыны жыл сайын 15% және 20% арттыру жоспарланып отыр. Бұл жақсы оқуға қосымша серпін болады және біздің университеттерге мықты талапкерлерді қосымша тартады», - деді Ғылым және адами ресурстар департаментінің Дәулет Алдыңғұров.