Елде ПТР-тестіге тегін жолдама кімге және қалай беріледі?

Елде ПТР-тестіге тегін жолдама кімге және қалай беріледі?
Сурет: Аqnietshipa.kz

ПТР сынағы — коронавирусқа биологиялық сұйықтықтарды зерттеудің негізгі әдісі

Оны емханалардағы фильтр-кабинеттерде және үйде өтуге болады, деп хабарлайды Almaty-akshamy.kz ҚазАқпаратқа сілтеме жасап

Егер сіз суықтың, тұмаудың немесе пневмонияның белгілерін сезсеңіз, онда ПТР әдісімен коронавирусқа тест тапсыра аласыз. Мұны емхананың сүзгі-кабинетіне жүгіну арқылы жасауға болады. Сондай-ақ басқаларға жұқтыру қаупін төндірмеу үшін емхананың тіркеу бөліміне немесе анықтама бөліміне қоңырау шалып, үйге мобильді топ шақыру керек. Бұл жағдайда зерттеу тегін медициналық көмектің кепілдік берілген көлемі шеңберінде ақысыз жүргізіледі. Өйткені бұл - айналадағылар үшін қауіп төндіретін инфекциялық ауру. Яғни сақтандырылған болу міндетті емес.

Сондай-ақ ПТР-тестілеу коронавирус анықталған пациентпен байланыста болған адамдарға жүргізіледі. Бұл жағдайда да сүзгі кабинетіне жүгінуге немесе мобильді топты үйге шақыруға болады.

Шетелге шығуға мүмкіндік алу үшін ПТР-тест азаматтың өз есебінен төленеді. Сондай-ақ егер теріс ПТР бар сертификат қандай да бір ұйымға немесе жұмыс орнына бару үшін талап етілсе, онда тестілеу өз қаражаты есебінен немесе жұмыс берушілердің келісімі бойынша төленеді.

ҚР медициналық сақтандыру қоры ПТР-тест тегін жүргізілетін жағдайлардың тізімін жариялады:

⦁ медициналық көрсеткіштер бойынша фильтр кабинетіне жүгінген кезде – ЖРВИ және вирустық пневмония белгілері болған кезде;

⦁ коронавирус инфекциясына күдікті науқас үшін мобильді топты үйге шақырған кезде;

⦁ жедел тест нәтижесі оң болған жағдайда стационарға шұғыл емдеуге жатқызу кезінде;

⦁ жоспарлы емдеуге жатқызуға немесе ауруханаға дейінгі тексеруге жіберу кезінде;

⦁ жүкті әйелдерге 37 аптадан бастап босануға емдеуге жатқызу үшін;

⦁ гемодиализдегі пациенттерге.