«Қыз Жібек» фильмінің режиссеріне 100 жыл толды

«Қыз Жібек» фильмінің режиссеріне 100 жыл толды

Бүгін, 10 наурызда, қазақ киносының алтын қорына айналған «Қыз Жібек» фильмінің режиссері Сұлтан-Ахмет Қожықовтың туғанына 100 жыл толды. Айтулы датаға орай Алматыда «Қазақфильм» киностудиясының Жұлдыздар аллеясындағы естелік-жұлдызына гүл шоқтары қойылды. Қазақ КСР Еңбек сіңірген өнер қайраткерінің құрметіне туыстары, танымал кинематографтар және «Қазақфильм» киностудиясының ұжымы жиналды.                  


Көрнекті режиссердің мерейтойына арналған іс-шара Сұлтан-Ахмет Қожықов атындағы №39 мамандандырылған лицейдің қабырғасында жалғасты. Лицей оқушылары шығармашылық кеш ұйымдастырып, қонақтарға мерейтой иесінің өмірі мен шығармашылығынан театрландырылған қойылым ұсынды.


Іс-шараға С.Қожықовтың жиені Сәуле Қожықова, белгілі кино қайраткерлері: режиссер Болат Шәріп, актер-продюсер Олжабай Мұсабеков, С. Қожықов туралы түсірілген «Война и мир» деректі фильмінің авторы Болат Нүсімбеков, режиссер-документалист Сатыбалды Текеев, танымал актер Ерболат Тоғызақов және қаланың білім беру ұйымдарының басшылары қатысты.


«Қыз-Жібек» фильмінің жасалу тарихы туралы Қазақстан Республикасының еңбек сіңірген қайраткері, «Құлагер» Ұлттық киносыйлығының лауреаты, осы аңызға айналған фильмде бас режиссердің көмекшісі болып жұмыс істеген режиссер Болат Шәріп айтып берді.



«Мемлекеттік киноға тақырыптық жоспарды бекіту үшін Мәскеуге барған кезекті сапарында бұрынғы киностудия басшысы Камал Смайыловке ұсынылған сценарийлердің бірін бекітпеді. Содан мемлекеттік комитеттің бас редакторын Камал Сейтжанұлы оған басқа, неғұрлым қолайлы сценариймен алмастыруға уақыт беруге көндірді. Алматыға оралған соң, ол Ғабит Мүсіреповке қоңырау шалып, «Қыз Жібек» пьесасын киносценарийге айналдыруды өтінді. Ғ.Мүсірепов бір ай ішінде Смайыловтың тапсырмасын орындады. Осылайша сценарий құтқарылып, кейіннен ұлттық киношедеврге айналды», –  деп Болат Шәріп естеліктермен бөлісті.


Айта кеткен жөн, Сұлтан-Ахмет Қожықов 1923 жылы 10 наурызда дүниеге келген. Ол өзінің еңбек жолын 1953 жылы институт бітіргеннен кейін киностудияда бастады. Қожықовтың алғашқы тәуелсіз туындысы – «Ана мен бала» болды, кейінірек «Біз Жетісуданбыз» картинасын түсірді. С.Қожықовтың қазақ кино өнерінің төлқұжатына айналған «Қыз Жібек» кинотуындысының премьерасына биыл 50 жыл толды.

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

19:52

19:12

19:06

18:56

17:51

17:43

17:35

16:58

16:13

16:07

15:49

15:42

15:35

13:05

12:58

12:58

12:57

12:43

12:30

12:16

12:05

11:59

11:50

11:19

10:53