Алматыда мерзімі өткен дәрі-дәрмекті қабылдау науқаны басталды

Алматыда мерзімі өткен дәрі-дәрмекті қабылдау науқаны басталды almaty-akshamy.kz

Алматы емханаларында «Алматы - ортақ үйіміз» науқаны аясында тұрғындардан мерзімі өтіп кеткен дәрі-дәрмекті қабылдау мерзімсіз науқаны басталды.


Бұл бастама мерзімі өтіп кеткен дәріні дұрыс кәдеге жарату және оның қоршаған ортаға тигізетін әсері туралы халықтың хабардарлығын арттыруға бағытталған.


Көбіміз мерзімі өтіп кеткен дәрі-дәрмекті қалай дұрыс жою керек екенін білмей, үйде сақтап жатамыз. Нәтижесінде мұндай дәрі қоршаған ортаны ластау көзіне айналуы немесе денсаулыққа кері әсер тигізуі мүмкін.


Бұл науқан тұрғындарға мерзімі өтіп кеткен дәрі-дәрмекті қауіпсіз жоюға көмектесу үшін ұйымдастырылған. Ол үшін әр емханада арнайы жәшік орнатылған.



Тұрғындар мұндай жәшіктер қай емханада орнатылғаны туралы ақпаратты Almaty.kz сайтынан ала алады.
Аталған жәшіктерге:
- тұтас күйінде блистерде таблеткаларды;
- тығыз байланған пакетте қаптамасыз капсула таблеткаларды;
- тығыз байланған пакетте анализге арналған банкаларды;
- сұйықтығы бар флакондарды: сироп, тамшы және т.б. Егер ол ағып жатса, оны тығыз байланған пакетте;
- тұтас және қолданылған ампулаларды тығыз байланған пакетте;
- жақпа, гельдер, қақпағы болмаса тығыз байланған пакетте 
салуға болады.


Бетперде, қолғап, аяққап, шприц және инесі бар инъекциялық жүйелер, пайдаланылған таңғыштар (жабысқақ пластырь, дәке, мақта) қабылданбайды.


Біз барлық тұрғынды осы бастамаға қосылып, салауатты және таза қоршаған ортаны сақтауға үлес қосуға шақырамыз.



«Қазіргі таңда мерзімі өткен дәрілерді қайта өңдеуге әкелуге болатынын айтқымыз келеді. Акция аясында арнайы жәшіктер қарастырылған. Науқан мақсаты - қоршаған ортаға бей-жай қарамау. Сондықтан өз өмірізге өзіміз ұқыпты қарайық», - деді №5 қалалық емханасының директоры Сәуле Төлегенова.



Сонымен бірге науқанға қала тұрғындары да белсенді қатынасып, өз үлестерін қосып жүр.



«Бұрын мерзімі өткен дәрі-дәрмектерімді қайда өткізетінімді білмей жүр едім. Енді осы акцияны ел-жұрт дәрілерді утилизация жіберу керектігін түсініп біліп жатыр», - деді қала тұрғыны Айгүл Найзабекова.


Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

19:52

19:12

19:06

18:56

17:51

17:43

17:35

16:58

16:13

16:07

15:49

15:42

15:35

13:05

12:58

12:58

12:57

12:43

12:30

12:16

12:05

11:59

11:50

11:19

10:53