Алматыда жауын - шашын кезінде коммуналдық қызметтердің 52 мобильді бригадасы жұмылдырылады

Алматыда жауын - шашын кезінде коммуналдық қызметтердің 52 мобильді бригадасы жұмылдырылады Сурет: Алматы әкімдігінің баспасөз қызметі

15 сәуірдің кешінен 17 сәуірдің таңына дейін Алматы қаласында үзіліссіз жаңбыр түрінде жауын-шашын болады деп күтілуде.


Қаланың коммуналдық қызметтері қаланың су бұру жүйелерін алдын ала тексереді, су қабылдау торларын, арық жүйелері мен құдықтарды тазарту жұмыстарын жүргізеді, деп хабарлайды Almaty-akshamy.kz Алматы қаласының коммуналдық инфрақұрылымды дамыту басқармасына сілтеме жасап.


Арық желілері мен арық өткелдерін тазалау бойынша жоспарлы жұмыстарға 320 жұмысшы және 88 бірлік арнайы техника жұмылдырылды. Күн сайын арық желісінен шамамен 250 м3 смета, лай және қоқыс шығарылады.



Су басудың алдын алу және жекелеген учаскелерде судың кедергісіз өтуін қамтамасыз ету үшін жауын-шашын кезінде мотопомпалармен, багрлермен және басқа да қажетті құралдарымен жабдықталған 52 жедел мобильді бригаданың кезекшілігі ұйымдастырылатын болады және 2,3 мың қап құм дайындалды.



Түнгі кезеңде 236 бірлік арнайы техниканы, 28 мотопомпаны және 215 жол жұмысшысын тарту жоспарлануда. Қажет болған жағдайда қосымша 150 бірлік техника мен 200 жұмысшы жұмылдырылады.


Ауа-райының бұзылу салдарынан жүргізушілер ағаштардың құлау қаупі мен электр желілерінің үзілуіне байланысты автомобильдерді жол жиектеріне қоймағандары жөн. Су басып қалудың алдын алу үшін қала тұрғындарынан арықтарды, нөсер ағындары мен каналдарды қалдықтармен бітеп тастамауды сұраймыз. Су басқан немесе уақытша су жиналған жағдайда аудан әкімдіктеріне хабарлауға немесе +7 706 689 8898. what's app нөміріне хабарлама жазуға болады.

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

10:04

09:16

09:02

08:47

08:02

20:35

20:32

19:03

18:46

18:08

17:49

17:43

17:39

17:10

17:07

16:46

16:38

16:07

15:51

15:41

15:17

15:09

15:04

14:57

14:42