Алматы қаласында киберқауіпсіздік саласында кадрлар даярлау мәселелері талқыланды

Алматы қаласында киберқауіпсіздік саласында кадрлар даярлау мәселелері талқыланды Сурет: Gov.kz

Парламент Сенатының Халықаралық қатынастар, қорғаныс және қауіпсіздік комитеті Радиоэлектроника және байланыс әскери-инженерлік институтының (РЭБӘИИ) базасында көшпелі отырыс өткізді.


Іс-шараға Парламент Сенатының депутаттары, Ұлттық қауіпсіздік комитетінің, Қорғаныс, Цифрлық даму, инновациялар және аэроғарыш өнеркәсібі министрліктерінің, Қазақстан-Британ техникалық университетінің өкілдері қатысты, деп хабарлайды Almaty-akshamy.kz 


Мемлекеттік құпияларды қорғау және ақпараттық қауіпсіздік бөлімшелері үшін мамандарды даярлау және оқыту әдістері бойынша РЭБӘИИ бастығының орынбасары полковник Ойрат Атыкенов сөз сөйледі. Қарулы күштер Бас штабы Мемлекеттік құпияларды қорғау департаментінің бастығы полковник Тимур Сәдуақасов киберқауіпсіздік мамандарын даярлауды жетілдіру жөнінде ұсыныстар айтты. 


Сенат депутаты Бибігүл Жексенбай киберқауіпсіздік – тек технология емес, ұлттық қауіпсіздік мәселесі екенін атап өтті. 



«Қорғаудың жаңа технологиялары мен әдістерін дамытып қана қоймай, киберкеңістіктегі қауіп-қатерлермен тиімді күресуге қабілетті мамандардың кадрлық резервін сауатты қалыптастыру да маңызды. Біз осы саладағы бірқатар проблемалық аспектілерді нақтылап, оларды депутаттық сауал аясында жария ету ойымызда бар», – деп депутат жоспарларымен бөлісті.



Әскери жоғары білім ордаларында депутаттар киберполигонды аралап, оқу орнының киберқауіпсіздік жөнінде оқу-білім беру бағдарламасымен танысты. Оларға ақпаратты қорғаудың тиімділігін бақылаудың заманауи құралдары мен техникалық қорғау құралдары көрсетіліп, курсанттардың үздік ғылыми әзірлемелері таныстырылды. Сенаторлар одан өзге университеттің мұражайын, казармасын, асханасын және басқа да әлеуметтік-мәдени нысандарын да аралады.


Сенаторлар оқыту сапасын арттыру қажеттігіне тоқталып, кәсіби киберқауіпсіздік мамандарын даярлау арқылы Қарулы күштерді нығайтудың маңызды екенін атап өтті.

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

11:12

10:41

10:27

10:04

09:16

09:02

08:47

08:02

20:35

20:32

19:03

18:46

18:08

17:49

17:43

17:39

17:10

17:07

16:46

16:38

16:07

15:51

15:41

15:17

15:09