Алматы әкімі Ерболат Досаев 2000 орынды мектеп құрылысының барысымен танысты

Алматы әкімі Ерболат Досаев 2000 орынды мектеп құрылысының барысымен танысты Сурет Алматы қаласы әкімдігі

Жұмыс сапары барысында Алматы әкімі Ерболат Досаев құрылыс алаңына барып, жобаны іске асыру қарқыны туралы айтылған баяндамаларды тыңдады. 


Құлжа трактінің оңтүстігінде, Медеу ауданындағы «Шығыс қақпасы» жаңа полиорталығының аумағында 2000 орынды мектеп салынуда. 
Құрылыс алаңында жобаның мәртебесі туралы ақпаратты тыңдап, қала әкімі мектепке кіреберіс жолды және тұрақ кеңістігін жайластыру кезінде қауіпсіздік шараларын қамтамасыз ету қажеттігін атап өтті. Осы мақсатта жылдамдық режимін шектеу енгізіледі және реттелетін жаяу жүргіншілер өткелдері жабдықталады. Сондай-ақ, қала әкімі объектінің инженерлік желілерін жалпықалалық желілерге уақтылы қосу және көрсетілген мерзімде құрылысты аяқтау қажеттігін атап өтті. 




«Samruk-Kazyna Construction» АҚ басқарма төрағасының орынбасары Амангелді Саттаровтың айтуынша, мектеп үш қабатты болады, асхана төменгі қабатта, жертөледе орналасады. Аумақта үлкен стадион қарастырылған. Жаңа Жол қозғалысы ережесі бойынша жоспарланған тұрақ орнында жасыл аймақ жабдықталады. Автокөліктер үшін бөлек тұрақ болады. Нысанды ағымдағы жылдың соңына дейін тапсыру жоспарлануда.



Медеу ауданының «Думан», «Думан-2», «Атырау», «Кеңсай» және «Алатау» шағын аудандарында тұратын балалар жаңа мектепке бара алады. Бұл аталған шағын аудандарда орналасқан қолданыстағы үш - №98, 99 және 64 мектептердің жүктемені айтарлықтай төмендетуге мүмкіндік береді.



Еске салсақ, Алматыда Мемлекет басшысының бастамасымен «Жайлы мектеп» ұлттық жобасы аясында 36800 оқушыға арналған 22 мектеп салынуда. Олар іске қосылған кезде, 2025 жылғы 1 қыркүйектегі жағдай бойынша оқушы орындарының тапшылығы басқарылатын деңгейге дейін 3-4 мың орынға дейін төмендейтін болады.

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

19:57

19:28

18:26

17:34

17:09

17:02

16:13

15:56

15:45

15:40

13:55

13:53

13:53

13:47

13:05

12:40

12:22

12:20

12:18

12:14

12:12

11:51

11:39

11:08

10:53