Кубадағы мұнай базасында тілсіз жау әбігер етуде
Өрт біршама орынға жайылды
Кубадағы мұнай базасы алапат өртке оранды, деп хабарлайды Almaty-akshamy.kz «Хабар 24» сайтына сілтеме жасап
Оқиғадан 120 адам зардап шеккен.Тағы 17 тұрғын із-түзсіз жоғалғандардың қатарында. Өрт мұнай қоймаларының бірінде болған жарылыстан кейін басталған. Қызыл жалын жақын маңда орналасқан қоймаларға да таралып кетті.
Қазір аспанды қою қара түтін басты. Апат болған маңайдан 800-ге жуық адам шұғыл эвакуацияланды.
Мамандар тілсіз жаумен алысып жатыр. Куба билігі өзге елдерден көмек сұрады.
