Коронавирус жұқтырған 1400 астам алматылық ем алып жатыр
Ауруханада 99 бала емделіп жатыр.
Алматы ауруханаларында 1405 адам COVID-19 ем қабылдап жатыр, деп хабарлайды Almaty-akshamy.kz.
7 ақпан күнгі ақпарат бойынша, бір тәулікте қалада 445 адам коронавирус жұқтырған. Барлық емделіп шыққандар – 280, келіп түскені – 147
Инфекциялық стационарларда 1 405 адам бар (төсек-орын 3310 ). Оның ішінде 99 бала емделіп жатыр.
Сондай-ақ, реанимация және қарқынды терапия бөлімінде 107 адам жатыр.
Ал 23 науқас жасанды тыныс алу аппаратына қосылған.
«Инвазивті емес жасанды тыныс алу аппаратында 37 адам ем қабылдауды жалғастыруда. High flow-да 24 аппарат жұмыс істейді», - делінген қоғамдық денсаулық сақтау басқармасының баспасөз қызметінен хабарламасында.
7473 пациент М едициналық-санитариялық алғашқы көмек мобильді бригадаларының және Телемедицина орталығының амбулаториялық бақылауында.
Оның ішінде індетке шалдыққан орташа ауыр жағдайда – 6 967 науқас, симптомсыз 506 науқас бар.
